Yn dilyn cyhoeddiad y Llywodraeth am gyfraddau newydd Yswiriant Gwladol (YG), dyma grynodeb o'r newidiadau a'u heffaith ar unigolion.
- O Ebrill 2022, bydd cyfraniadau YG yn cynyddu 1.25% ar gyfer gweithwyr, cyflogwyr a'r hunangyflogedig.
Mae'r £9,568 cyntaf o enillion wedi'u heithrio rhag Yswiriant Gwladol.
Bydd unigolyn sy'n ennill £25,000 y flwyddyn yn talu £192 ychwanegol o YG, tra bydd unigolyn sy'n ennill £70,000 y flwyddyn yn talu £755 yn ychwanegol o YG. - O Ebrill 2023, bydd yn rhaid i bensiynwyr sy'n gweithio dalu 'Ardoll Iechyd a Gofal Cymdeithasol' o 1.25% ar eu henillion (ond nid ar eu hincwm pensiwn).
I'r rhai sy'n 66 oed neu'n hŷn, dim ond 1.25% byddwch chi'n ei dalu ac ni fydd yn ofynnol i chi dalu unrhyw Yswiriant Gwladol pellach. - O Ebrill 2022, bydd unigolion sy'n derbyn difidendau o dros £2,000 y flwyddyn yn talu 1.25% ychwanegol o dreth. Mae hyn yn effeithio ar gyfarwyddwyr cwmnïau sy'n talu eu hunain yn bennaf trwy ddifidendau.
Os ydych chi'n derbyn difidendau o £50,000 y flwyddyn byddwch chi'n talu treth ychwanegol o £600.
Mae hyn hefyd yn effeithio ar unigolion sydd â phortffolios cyfranddaliadau mawr.
Cwestiynau Huw ac Aled: mae fy mam oedrannus yn dangos arwyddion o ddementia. Mae hi'n ystyried ceisio am Atwrneiaeth ('Power of Attorney') ond mae'n poeni y gallai fod yn rhy hwyr.
Mae dau fath o Atwrneiaeth, sef Ariannol ac Iechyd. Mae'r rhain yn caniatáu i aelodau teulu dibynadwy / ffrindiau agos / gweithwyr proffesiynol i ofalu am faterion unigolyn sydd yn colli eu gallu meddyliol. Er mwyn gwneud cais am Atwrneiaeth, mae'n rhaid fod gan yr unigolyn allu meddyliol i lofnodi'r ffurflen.
Os bydd hi'n gohirio i gwblhau'r cais ac yn colli ei gallu meddyliol, yr unig ddewis arall yw gwneud cais i'r Llys Gwarchod am Orchymyn Dirprwyaeth ('Deputyship Order') i ofalu am ei hasedau ariannol a'i lles. Mae hyn yn llawer mwy costus a llafurus. Wrth symud ymlaen, byddai angen paratoi cyfrifon blynyddol yn manylu ar incwm a gwariant eich mam.
Y cyngor cyffredinol yw gwneud cais am Atwrneiaeth yn gynnar pan fydd gan rywun gallu meddyliol llawn. Cysylltwch â ni os ydych am drafod unrhyw faterion sy'n ymwneud ag Atwrneiaeth.
